SpaceX Starship-iň ýedinji synag uçuşynyň geçiriljek senesini resmi taýdan yglan etdi. Uçuryş 13-nji ýanwarda amala aşyrylar. Kosmos gämisiniň täze prototipi kämilleşdirilen dizaýn we ulgamlar bilen synaglardan geçer.
"Bu täze ýyl Starship üçin möhüm ýyl bolar. Sebäbi tutuş ulgamy gaýtadan ulanmagy hem-de Ýeriň, Aýyň, Marsyň orbitasyna adam we ýük ibermek mümkinçiligine tarap hereket edip, öňküdenem hyjuwly missiýalary ýerine ýetirmekligi öňümizde maksat edip goýarys" – diýip, SpaceX-de mälim etdiler.
Öňde geçiriljek synagyň dowamynda Raptor hereketlendirijisi ilkinji gezek gaýtadan ulanylar, ol bäşinji synag goýberişinde synaglardan geçipdi. Starship orbitada bolmak bilen, Starlink hemrasynyň hemralaryň indiki nesliniň ululygyna we agramyna meňzeş 10 sany maketini ýerleşdirer.
Gämä birnäçe üýtgeşme girizildi. Starship-iň öň ýapyjylary kiçeldildi hem-de gäminiň burnuna we ýylylyk ekranyndan daşraga süýşürildi. Bu atmosfera girenden soň, gyzyşyny kemeltmeli hem-de mehanizmleri we gorag plitalaryny ýönekeýleşdirmeli. Şeýle hem işläp düzüjiler ýangyjyň mukdarynyň 25 göterim artandygyny, ýangyç geçirijileriň wakuum korpusynyň we Raptor wakuum hereketlendirijileri üçin täze ýangyç iberiş ulgamynyň bardygyny habar berdiler.
Gämi döwrebaplaşdyrylan awiasiýa enjamlary bilen üpjün edildi. Olar bortdaky täze kompýuterden, Starlink we GNSS antennalaryndan, täzeden işlenen datçiklerden we 2,7 MWt paýlanýan kuwwatdan ybarat.
Starlink bilen kosmos gämisi hakyky uçuş wagtynda 120 Mbit / s-den gowrak ýokary durulykdaky wideony we uçuşyň her bir döwründe telemetriýany geçirer we döredijilere möhüm inženerçilik maglumatlaryny berer.
