LG kompaniýasy Las-Wegasdaky CES elektronika sergisi üçin iki innowasion konseptini taýýarlaýar: sazlanýan interýerli ykjam öý hem-de awtomobiller üçin sürüjiniň ýagdaýyna gözegçilik ulgamy.
Birinji konsept, Lifestyle Solution for Mobility (LSM) içini sazlamak aňsat bolan tekerli öýdür.
Furgonyň içinde iki aýratyn zona bar: sürüji zonasy we uly ekranly, audio ulgamly, holodilnikli we oturgyçly dynç alyş zonasy. LG Mobility Experience interýeri iş kabinetinden başlap, dynç alyş zolagyna çenli islendik zerurlyga görä aňsatlyk bilen sazlamaga mümkinçilik berýär.
Ikinji konsept – bu ulgam emeli aňy ulanýan awtomobil salonynyň gözegçilik ulgamy. Ulgam ýürek ritminiň datçikleri we ýüz keşbi seljermek arkaly sürüjiniň fiziki we emosional ýagdaýyny yzarlaýar. Bu awtomobile sürüjiniň zerurlyklaryna görä uýgunlaşmaga we bolup biljek saglyk meseleleri barada duýdurmaga mümkinçilik berýär.
