2021-nji ýylda smartfon bazaryndan giden LG täze gurluş bilen ýene dolanyp biler. Günorta Koreýanyň kompaniýasy tarapyndan 2024-nji ýylyň oktýabrynda berlen patente görä, ol displeýini rulon ýaly towlap boljak smartfony işläp taýýarlaýar diýip, MSPowerUser neşiri ýazýar.
Täze patent LG-niň öňki Rollable modelini doly işländigini görkezýär. Täze gurluşyň ekrany her düýrlemede we ýazmada ekrany tekizleýän magnit lentanyň netijesinde deformirlenmez. Bu öňki wersiýalar üçin häsiýetli bolan döwülmeler we eplenmeler meselesini aradan aýrar.
Birnäçe ýyl ozal LG motorlaşdyrylan mehanizmiň kömegi bilen 6,8 dýuýmdan 7,4 dýuýma çenli giňelýän smartfonyň prototipini görkezendigi mälimdir. Ýöne onuň bu önümi tamamlanman galdy.
Patent LG-niň smartfon bazaryna gaýdyp gelmäge taýýardygyny, ýöne şol bir wagtyň özünde rulon ýaly towlanýan displeýleri Huawei, Honor ýa-da Motorola ýaly beýleki öndürijilere iberip biljekdigini-de görkezip biler.
