Madridiň “Realy” La Liganyň taryhynda 5000 utukdan geçen ilkinji klub boldy. Bu topar anna güni “Walensiýany” 2:1 hasabynda utandan soň bolup geçdi. Ýeňşiň netijesinde Ispaniýanyň çempionatynda umumy utuk sany 5002-ä ýetdi diýlip, klubuň saýtynda habar berilýär.
Bu üstünlige tarap ýol uzak boldy. “Reala” 94 möwsüm, 1833 ýeňiş we 6526 gol gerek boldy.
“Realyň” ýakyn bäsdeşi “Barselona” esli tapawut bilen yzda barýar, onuň hasabynda La Liganyň taryhynda 4887 utuk bar.
Belläp geçsek, “Walensiýa” garşy oýunda Karlo Ançelottiniň toparyna kambek etmek başartdy. “Real” oýnuň aglaba böleginde utulyp barýardy, 78-nji minutda Winisius Žunioryň meýdançadan çykarylmagy bilen bolsa, asla azlykda galdy. Şeýle-de bolsa, Luka Modriçiň we Jud Bellingemiň oýnuň ahyryndaky gollary topara ýeňiş getirdi.
