Mýunheniň Bawariýasynyň klub muzeýinde Harri Keýniň toparyň düzüminde geçiren ilkinji möwsüminde gazanan baýraklaryna bagyşlanan täze ekspozisiýa peýda boldy.
“Alýans-Arena” stadionyndaky muzeýde Keýne Ýewropa ligalarynda iň gowy bombardir ady üçin berlen “Altyn butsy”, Bundesliganyň iň gowy goleadory ady üçin baýrak we geçen möwsümiň Çempionlar ligasynda iň köp gol üçin berlen baýrak ýaly kuboklary görmek bolýar.
Harri Keýn öz täsirleri bilen sosial ulgamda paýlaşdy.
“Bawariýadaky” ilkinji möwsümimde gazanan baýraklarymyň käbiriniň “Alýans-Arenadaky” klub muzeýinde goýlandygyna buýsanýaryn. Men we maşgalam Mýunhende özümizi öýde ýaly duýýarys, şonuň üçin size minnetdar! Uly 2025-nji ýyla sabyrsyzlyk bilen garaşýarys!” – diýip, Keýn ýazdy.
