Lenovo kompaniýasy CES 2025 sergisinde ThinkBook Plus innowasion noutbugyny tanyşdyrmaga taýýarlanýar. Gurluş bazarda çeýe ýygnalýan goşmaça ekranly ilkinji tapgyrlaýyn noutbuk bolar diýip, VideoCardz portaly habar berýär.
Modeliň konsepti 2023-nji ýylda hödürlendi, ýöne häzir noutbuk köpçülikleýin önümçilige taýyn.
Suratdan görnüşi ýaly, ýygnalan ýagdaýynda ThinkBook Plus adaty noutbugy ýada salýar. Ýöne zerur bolan ýagdaýynda ekrany ýokarylygyna çekip, onuň meýdanyny iki esse ulaldyp bolýar. Şeýle dizaýn, aýratynam, iki penjiräni amatly – birini beýlekisiniň üstünden ýerleşdirmäge mümkinçilik berýär. Ähtimal, düzüdiň durnuklylygy üçin agramly korpus gerek bolar.
Belläp geçsek, ekranyň aşaky çarçuwasy ýok we bu gurluşa özboluşly görnüş berýär.
Noutbugyň tehniki taraplary heniz belli däl. Modeliň täze Intel prosessorlary bilen enjamlaşdyrylmagy mümkin. Onuň bahasynyň bolsa ýokary bolmagyna garaşylýar.
