Tiz tagam restoranlar tory bolan KFC Kanadada towukly bedreleri üçin täze gapaklary hödürledi. Olary winil plastinkalary hökmünde ulanmak bolýar diýip, NME habar berýär.
Bu özboluşly plastinkalarda “We Wish You a Merry Christmas”, “Jingle Bells” we “Deck the Halls” ýaly belli Roždestwo aýdymlary ýaňlanýar.
KFC bu plastinkalaryň adaty kagyz gapaklaryndan edilendigini we olaryň diňe winil bilen örtülendigini belledi.
“Bir wagtyň özünde tagamly iýmit we aýdym-saz bilen baýramçylyk ruhuny dörediň” – diýip, önümiň beýanynda aýdylýar.
Kompaniýa şeýle gapakdan bary-ýogy 10 sanysyny çykarar. Olar Instagram-da KFC Canada sahypasynda bäsleşigiň üsti bilen paýlanar. Ýöne oňa diňe Kanadanyň ýaşaýjylary gatnaşyp biler.
