“Barselonanyň” ýarymgoragçysy Lamin Ýamal klubuň akademiýasynyň talyplaryna 100-den gowrak nauşnikleri sowgat etdi. Bu barada Mundo Deportivo neşiri habar berýär.
Ispaniýaly wunderkinde hemaýatkärlik edýän nauşnik brendi ilki onuň topardaş ýoldaşlaryna birnäçe nauşnigi sowgat bermegi meýilleşdiripdi. Emma Ýamal olary “Barselonanyň” esasy düzümine paýlamaga derek "La Masiýanyň oglan-gyzlaryna sowgat berilse, has gowy bolardy" diýdi.
Netijede, Ýamal ýaş futbolçylara 100-den gowrak nauşnikleri berdi. Her sowgadyň ýanyna şahsy goly çekilen haty hem-de tans edýän adamjykly we nauşnikli smaýlik bilen bezelen “Aýdym-sazdan lezzet alyň” diýen ýazgyny goşdy.
Ýamalyň özi hem “La Masiýany” tamamlady. Ol 2023-nji ýyldan bäri esasy toparda oýnaýar. Kataloniýa kluby bilen baglaşan şertnamasy 2026-njy ýyla çenli dowam eder we transfer bahasy bolsa 150 million ýewro diýlip çaklanylýar.
