Türkmenistanyň Futbol federasiýasynyň başlygy Guwançmuhammet Öwekow we TFF-niň Baş sekretary Serdar Geldiýew Ispaniýanyň ýokary ligasynda çykyş edýän «Wilýarreal» futbol klubunyň akademiýasynyň wekilleri bilen wideoaragatnaşyk arkaly duşuşyk geçirdiler. Bu barada TFF-niň metbugat gullugyna salgylanyp, Turkmenportal habar berýär.
Bellenilişi ýaly, duşuşygyň barşynda çagalar we ýetginjekler futbolyny ösdürmek boýunça tejribe alyşmagyň we hyzmatdaşlyk etmegiň mümkinçilikleri ara alnyp maslahatlaşyldy. Şeýle hem tälimçileri taýýarlamak boýunça tejribe alyşmak meselesine aýratyn üns berildi.
