Ruandanyň Prezidenti Pol Kagame ýurduň “Formula-1”-iň tapgyryny geçirmek üçin resmi taýdan ýüz tutandygyny aýtdy. Onuň sözlerine görä, Ruanda çempionatyň ýolbaşçylary bilen işjeň gepleşikleri alyp barýar we ýaryşy guramak üçin zerur şertleri üpjün etmegi maksat edinýär diýip, Crash.net habar berýär.
Guramaçylar ýurduň paýtagty Kigaliden 40 km uzaklykda ýerleşýän Bugesera howa menziliniň golaýynda döwrebap stasionar ýaryş ýoluny gurmagy meýilleşdirýärler. 2 milliard dollarlyk täze howa menzili 2026-njy ýyla çenli ulanylmaga berler we ýaryşlary geçirmekde infrastrukturanyň möhüm bölegi bolar.
"Biz bu mümkinçilige çynlakaý çemeleşýäris hem-de Stefano Domenikali we “Formula-1” topary tarapyndan berilýän goldaw üçin minnetdardyrys. Biz ýaryşyň ruhuny Afrika gaýtaryp getirmek isleýäris "-diýip, Kagame belledi.
Eger teklip tassyklansa, Ruanda 1993-nji ýylda Günorta Afrikada geçirilen ýaryşdan bäri, Gran-Prini kabul eden ilkinji Afrika döwleti bolar.
