Islam Mahaçew we Drikus dýu Plessi “Ýylyň sabmişeni” kategoriýasynda UFC-niň baýragyna dalaşgär boldular. Bu barada promouşeniň X sosial ulgamyndaky sahypasynda habar berilýär.
Baýrak garşydaşyň agyryly ýa-da demikdiriji usulyň netijesinde boýun egmegi bilen gazanylan has netijeli möhletinden irki ýeňiş üçin berilýär.
Russiýaly söweşiji, ýeňil agramda UFC-niň çempiony Mahaçew UFC 302 ýaryşynda geçirilen titul söweşinde Dastin Porýeni ýeňmäge kömek eden “D’Ars” demikdiriji usuly üçin dalaşgär görkezildi.
Günorta afrikaly söweşiji Drikus dýu Plessi täze zelandiýaly Israel Adesanýeni yzdan demikdiriji usul bilen ýeňdi. Ol UFC 305-de geçirilen şol söweşde orta agramda çempion titulyny üstünlikli gorady.
Beýleki dalaşgärler gijräk yglan ediler. Ses berişlik janköýerleriň arasynda bolar we 27-nji dekabrda geçiriler.
