Ilon Mask uly tapawut bilen dünýäniň iň baý adamlarynyň reýtinginde birinji orny saklamagyny dowam etdirýär. Onuň baýlygy 360 mlrd dollara ýetdi.
Bloomberg Billionaires Index-iň maglumatlaryna görä, 2024-nji ýylda telekeçiniň baýlygy Tesla-nyň paýnamalarynyň gymmatlamagy netijesinde 130 mlrd dollar artdy. Bu kompaniýada Mask esasy paýdardyr. Ýylyň başyndan bäri paýnamalaryň bahasy 57% ýokarlandy.
Milliarderleriň reýtinginde ikinji orny Amazon-yň esaslandyryjysy Jeff Bezos eýeleýär, onuň baýlygy 240 mlrd dollara barabar. Bir ýylda ol 63 mlrd dollardan gowrak gazandy.
Meta kompaniýasynyň esaslandyryjysy Mark Sukerberg 215 mlrd dollar bilen üçünji orny eýeleýär. Onuň kapitaly bir ýylda 87 mlrd dollar artdy.
