7-nji dekabrdan 8-nji dekabra geçilen gije Las-Wegasda (ABŞ) UFC 310 ýaryşy geçirildi. Onuň dowamynda iň ýeňil agramda UFC-niň titulynyň öňki eýesi amerikaly Aljameýn Sterling bilen russiýaly Mowsar Ýewloýew duşuşdy. Söweş tutuş üç raund dowam edip, Ýewloýewiň emin agzalarynyň biragyzdan karar bermeginde ýeňiş gazanmagy bilen tamamlandy.
Söweşden soň Aljameýn Sterling öz ýeňlişine teswir berdi.
“Agyr söweş... Men güýçli garşydaşdan üstün çykyp bilerin öýtdüm, ýöne biz başarmadyk. Hemmäňize söýgiňiz we goldawyňyz üçin minnetdar, çykyş siz üçin gyzykly bolandyr diýip umyt edýärin. Mowsar – ýyrtyjy we men bu diwizionda öz ornumy görkezdim. Häzir biz gaýtadan dikelýäris we bejergi alýarys, soňra ýene-de basgançak bilen ýokary galmaga taýýarlanarys. Arzuw, eger sen boýun egmeseň, saklanmaýar! Men gaýdyp gelerin!” – diýip, Sterling X sosial ulgamynda ýazdy.
Bu ýeňliş Sterling üçin karýerasynda bäşinji boldy. Şeýle-de, onuň hasabynda 24 ýeňiş bar.
Ýewloýew garyşyk başa-baş söweşde ýeňilmän galýar. Onuň hasabynda 19 söweşde 19 ýeňiş bar.
