UFC 2025-nji ýylyň 18-nji ýanwarynda Los-Anjelesde geçiriljek UFC 311 ýaryşynyň esasy söweşlerine gatnaşyjylary yglan etdi.
Agşamyň esasy wakalary Islam Mahaçew (Russiýa) bilen Arman Sarukýanyň (Ermenistan) hem-de Merab Dwalişwili (Gruziýa) bilen Umar Nurmagomedowyň (Russiýa) arasyndaky söweşler bolar.
Mahaçew bilen Sarukýan üçin bu oktagonda ikinji duşuşyk bolar. 2019-njy ýylyň aprel aýynda UFC Fight Night 149 ýaryşynda Mahaçew emin agzalaryň biragyzdan karar bermegi bilen ýeňiş gazandy. Ol karýerasynda 26 söweşde ýeňip, bir gezek ýeňlişe sezewar boldy.
Umar Nurmagomedow MMA-da ýeňlip görmedi. 2024-nji ýylyň awgust aýynda geçen soňky söweşinde amerikaly Kori Sendgahenden üstün çykdy. Onuň hasabynda 18 ýeňiş bar. Onuň garşydaşy Merab Dwalişwili sentýabrda Şon O’Mellini ýeňip, çempion boldy.
Şeýle-de, bu ýaryşda amerikan-eýranly söweşiji Beneil Dariuş braziliýaly Renato Moýkano garşy söweşer. Ýene bir tutluşykda amerikaly Kewin Holland bilen niderlandly Renýe de Ridder duşuşar.
