5-nji dekabra geçilen gije bitkoin kriptowalýutasynyň bahasy Binance biržasynda ilkinji gezek 100 müň dollardan geçdi.
Söwda platformasynyň maglumatlaryna görä, esasy kriptowalýutanyň bahasy Aşgabat wagty bilen ir sagat 7:39-da 100 müň dollar belliginden geçdi. Şondan soň bitkoin ösüşini dowam etdirdi we sagat sekize çenli 104 müň dollardan geçdi.
Beýleki kriptowalýutalar dürli dinamikany görkezýär. Mysal üçin, Ethereum tiz wagtdan 4000 dollar belliginden geçip biler, emma XRP, Solana we BNB birneme arzanlady. Şeýle-de bolsa, kriptobazaryň kapitalizasiýasy ösýär we 3,6 trln dollara golaýlaýar.
Ýatlap geçsek, bitkoiniň bahasy Donald Trampyň ABŞ-nyň Prezidenti saýlanmagyndan soň ýokarlanyp başlady. 5-nji noýabrda Trampyň saýlawlarda ýeňiş gazanandygy belli bolandan bäri bitkoin bahasyny 50%-den gowrak artdyrdy.
