“Formula-1-iň” “Mersedes” topary öz resmi saýtynda 2024-möwsüminiň ahyrynda ätiýaçdaky sürüji Mik Şumaheriň gidýändigini habar berdi.
Şumaher topara 2022-nji ýylyň dekabr aýynda goşulypdy. 2021-2022-nji ýyllarda “Formula-1-de” “Haas” toparynyň ýaryşa gatnaşýan sürüjisi boldy.
“Men Toto Wolffa we tutuş topara şu iki ýylda alan bilimlerim üçin minnetdarlyk bildirýärin. Olar, gürrüňsiz, meni has tejribeli ýaryşa gatnaşyja öwürdiler, sebäbi men tehniki tarap barada has köp zat öwrendim. Ýöne kabinada oturman bu awtomobilleriň ýaryşyna syn etmek agyr” – diýip, toparyň resmi saýty Şumaheriň sözlerini getirýär.
Motorsport-yň maglumatlaryna görä, Şumaheriň ornuny “Mersedesiň” düzüminde “Formula-1-iň” iki gezek wise-çempiony (2019, 2020) finlýandiýaly ýaryşa gatnaşyjy Waltteri Bottas eýelär.
