"Jaguar" kompaniýasy ösüşiniň täze tapgyryny yglan etdi. Oňa laýyklykda, kompaniýanyň modernizme geçýändigini aňladýan täze aýdentikasy (haryt nyşanyny) resmi taýdan görkezildi. Täzelenen logotipde kompaniýa adynyň gysby ýazylyşyna ünsi jemläp, logotipdäki pişigiň şekilini aýyrdy.
Täzelenen wizual nusganyň binýadynda simmetrik we tegelek äheňde ýasalan nyşanlar oturýar. Awtoulaglarda ulanmak üçin ykjam logotip döredildi. Indi bu ýerde adyň birinji we soňky harplary - j we r hamala biri-birinden ýüzüni sowýan şekilde ýerleşdirildi.
Kompaniýa brendiň täze şygarynyň - Copy Nothing (“Hiç zady göçürme”) - markanyň esaslandyryjysy William Laýons tarapyndan döredilen ussatlyk we özboluşlylyk ruhuny görkezýändigini nygtaýar. Jaguar-yň täze stili häzirki zaman sungatyna gönükdirilendir we “oýlap tapyşy, çeperçiligi we batyrlygy” aňlatmaga niýetlenendir.
Ulagyň täzelenen keşbi ilkinji gezek Maýami sungat hepdeliginiň çäginde hödürlener. Şol ýerde hem täze nusgadaky awtoulagyň görkezilmegine garaşylýar. Ilkinji görkezilişde ýaş suratkeşleriň ençeme innowasiýa installýasiýalary bolar.
