Niderlandly Ruud wan Nistelroý “Mançester Ýunaýted” futbol klubunyň tälimçiler düzümini terk etdi. Bu barada klubuň metbugat gullugy habar berýär.
28-nji oktýabrda niderlandly Erik ten Hag “Mançester Ýunaýtediň” baş tälimçisi wezipesinden aýryldy. Wan Nistelroý baş tälimçiniň wezipe borçlaryny wagtlaýyn ýerine ýetiriji hökmünde bellendi. Onuň ýolbaşçylygynda “Mançester Ýunaýted” ähli ýaryşlarda üç ýeňiş gazandy we bir gezek deňme-deň oýnady. Öň, klub täze baş tälimçiniň portugaliýaly Ruben Amorim boljakdygyny habar berdi.
Wan Nistelroý 48 ýaşynda, ol Niderlandlaryň “PSW” klubuna tälimçilik edip, onuň bilen ýurduň Kubogyny we Superkubogyny gazandy. Oýunçy hökmünde 2001 – 2006-njy ýyllar aralygynda “Mançester Ýunaýtedde” çykyş etdi we toparyň düzüminde Angliýanyň çempiony, ýurduň Kubogynyň we Superkubogynyň eýesi, Iňlis ligasynyň kubogynyň ýeňijisi boldy.
