Hytaýly alymlar emeli aňyň esasynda özbaşdak işlemäge ukyply ilkinji halasgär roboty döretdiler. Ol Loýandaky Lohe derýasynda synagdan geçirildi we şondan soň robot yzygiderli gözegçilik işine girişdi diýip, South China Morning Post habar berýär.
Robot köp mukdarda maglumatlary işläp bilýän emeli aň ulgamy tarapyndan dolandyrylýar. Şeýle-de, ol robota adam tarapyndan gözegçilikde saklanmazdan gije-gündiziň dowamynda işlemäge mümkinçilik berýän nawigasiýa we gözegçilik tehnologiýalary bilen üpjün edildi.
Hünärmenleriň maglumatlaryna görä, gurluş ýagdaýy seljerip, adamyň suwa düşmeginiň sebäbini we onuň kömege mätäçdigini ýa-da ýokdugyny kesgitleýär. Robotyň halas ediş enjamlary ýörite buýy we manipulýator eli öz içine alýar. Munuň kömegi bilen robot, eger zyýan çeken adam borta özbaşdak ýapyşyp bilmese, ony suwdan çykarar.
Hünärmenler adamyň suwda sessiz gark bolup bilýändigini, halas etmek üçin aýgytly wagtyň bolsa, takmynan, bäş minutdygyny belleýärler. Gözegçilik edýän robot bolsa heläkçiligiň bolan ýerine adamdan çalt baryp bilýär. Şeýlelikde, ol adam ömrüni halas etmekde möhüm rol oýnap biler.
