Toyota kompaniýasy GR Yaris we GR Corolla sport awtomobillerinden ruhlanan täze Corolla Altis HEV GR Sport gibrid modelini hödürledi. Täze awtomobil 100 km üçin bary-ýogy 4,2 litr ýangyç sarp edip, tygşytlylygy bilen tapawutlanýar diýip, Carscoops habar berýär.
Model dörtburç howa kabul edijisine we inçe radiator gözenegine eýe boldy. Ol 17 dýuým ýeňil erginden ýasalan gara diskler we ýalpyldawuk gara bezeg bilen üpjün edildi. Yzky yşyk diodly çyralar kül reňke we dury linzalara eýe boldy.
Awtomobiliň interýerinde gyzyl tikinli we kümüşsöw öwüşginler bilen zamşa derisinden oturgyçlar bar. Ruly we hereketlendirijini işletmek düwmesini modeliň sport stilini görkezýän GR nyşanlary bezeýär.
Adaty komplektasiýada 12,3 dýuýmlyk sanly enjam paneli we 9 dýuýmlyk maglumat displeýi göz öňünde tutulýar.
Esasy tehniki täzelik 121 at güýjüni berýän 1,8 litrlik hereketlendiriji we sygymy 3,6-dan 4 amper-sagada çenli artdyrylan litiý-ion akkumulýatory bilen gibrid ulgamy boldy. Şunuň netijesinde awtomobiliň ýangyç tygşytlylygyny ýokarlandyrmak mümkin boldy.
Täze Toyota Corolla Altis HEV GR Sport awtomobiliniň başlangyç bahasy 33 000 dollara barabar.
