Mahaçew bilen Sarukýan UFC 311-de oktagonda duşuşar: söweşiň senesi belli boldy

  • 05.11.2024 15:32
  • 16k+

Ýeňil agramda UFC-niň çempiony Islam Mahaçew 18-nji ýanwarda Los-Anjelesde geçiriljek UFC 311 ýaryşynda Arman Sarukýana garşy titul goragyny geçirer. Bu barada Abdulmanap Nurmagomedow adyndaky garyşyk başa-baş söweş mekdebiniň resmi sosial ulgamlaryna salgylanyp, RIA Nowosti habar berýär.

“UFC 311, Los-Anjeles, 18-nji ýanwar. Islam Mahaçew bilen Arman Sarukýan” – diýlip, guramanyň Instagram sahypasynda aýdylýar.

Ilkibaşda söweş 26-njy oktýabrda Abu-Dabidäki UFC 308 ýaryşynda geçirilmelidi, ýöne Mahaçewiň eline şikes ýetmegi sebäpli söweşi yza süýşürmeli boldy.
Sarukýan 2019-njy ýylyň aprel aýynda UFC Fight Night-de Mahaçew bilen ilkinji söweşinde ýeňlendigi üçin ar almak isleýär. Şol söweş Sarukýanyň UFC-de ilkinji çykyşy bolupdy. Mahaçew emin agzalarynyň biragyzdan karar bermegi bilen ýeňdi.
33 ýaşly Mahaçew agram derejesine garamazdan UFC-niň reýtinginde birinji orny eýeleýär. Onuň hasabynda 26 ýeňiş we bir ýeňliş bar.
28 ýaşly Sarukýanyň hasabynda professional derejede geçiren 25 söweşinde 22 ýeňiş bar.


26.10.2025 10:00
15k+

UFC 321: Gan tötänleýin Aspinalla şikes ýetirdi — titul söweşi geçirilmedik diýlip yglan edildi

Abu-Dabide geçirilen UFC 321 ýaryşynyň çäginde agyr agramdaky titul söweşi — britaniýaly pälwan Tom Aspinall bilen fransiýaly Siril Ganyň arasyndaky duşuşyk netijesiz diýlip yglan edildi. Gan ilkinji sekuntlardan başlap ynamly hereket etdi, aýakda söweşde çempiondan egsik gelmän, partere alma synanyşyklaryndan ussatlyk bilen baş alyp çykdy...

25.10.2025 07:13
6.6k+

UFC 321-iň doly kardy: esasy söweş Aspinall bilen Ganyň arasynda bolar

25-nji oktýabrda, şenbe güni Abu-Dabidäki “Etihad-Arenada” garyşyk başa-baş söweş boýunça UFC 321 ýaryşy geçiriler. Agşamyň esasy wakasy agyr agramda çempion, britaniýaly Tom Aspinall bilen fransuz Siril Ganyň arasyndaky söweş bolar...

14.10.2025 20:43
11k+

Titul üçin rewanş: Pýotr Ýan UFC 323 ýaryşynda Dwalişwili bilen söweşer

Iň ýeňil agramda UFC-niň öňki çempiony, russiýaly Pýotr Ýan ýene-de tituly gaýdyp almak mümkinçiligine eýe bolar. Ol 6-njy dekabrda (Aşgabat wagty bilen 7-nji dekabra geçilýän gije) UFC-niň häzirki çempiony, gruziýaly Merab Dwalişwili bilen duşuşar...

10.10.2025 17:06
21k+

Konor Makgregor antidoping düzgünlerini bozandygy üçin diskwalifikasiýa edildi

Garyşyk başa-baş söweş sungatynyň irlandiýaly söweşijisi we UFC-niň öňki çempiony Konor Makgregor antidoping düzgünlerini bozandygy üçin 18 aý söweşlerden çetleşdirildi. Bu barada Absolýut söweş çempionatynyň (UFC) saýtynda habar berilýär...