Ýeňilmedik russiýaly söweşiji Hamzat Çimaýew 26-njy oktýabrda Abu-Dabide geçirilen UFC 308 ýaryşynda orta agramda UFC-niň öňki çempiony Robert Uittakeri möhletinden ir ýeňip, karýerasynda iň uly ýeňşini gazandy. Orta agramly söweşijileriň arasyndaky tutluşyk agşamyň ikinji ähmiýetli wakasy boldy.
Söweş başlanandan bary-ýogy ýigrimi sekuntdan soň Çimaýew garşydaşyny parter ýagdaýyna geçirdi. Uittaker üç minutlap üstünlikli goransa-da, Çimaýewiň demikdiriji usulyndan soň, derrew boýun egdi.
Potensial dalaşgärlik söweşinde ynamly ýeňiş gazanandan soň, Hamzat Çimaýew indiki söweşde UFC-niň çempionlyk guşagy ugrunda göreşmek isleýändigini aýtdy. Bu guşagy häzirki wagtda günorta afrikaly orta agramly söweşiji Drikus Dýu Plessi saklaýar.
30 ýaşly russiýaly söweşiji häzir guramada sekiz ýeňişden ybarat tapgyrda barýar we UFC-niň orta agramly söweşijileriniň reýtinginde 13-nji orny eýeleýär. Umuman, onuň hasabynda 14 professional söweşde 14 ýeňiş bar.
33 ýaşly Uittaker karýerasynda sekizinji ýeňlişine sezewar boldy.
