Internetiň tizligini ep-esli ýokarlandyrjak optiki kommutator döredildi

  • 25.10.2024 14:24
  • 8.7k+

Miçigan uniwersitetiniň (ABŞ) gözlegçileri internet we telekommunikasiýa ulgamlaryny düýpli özgerdip biljek doly optiki kommutator döretdiler. Bu barada Nature Communications žurnalynda gürrüň berildi.

Enjam internet magistrallaryndaky päsgelçilikleri ýok edip, optiki süýümden iberilýän maglumatlary elektrik signallaryna öwürmek meselesini çözýär.
Kommutator lazer şöhlesi bilen dolandyrylýan logiki wentil ýaly işleýär. Ol işledilen ýa-da öçürilen ýagdaýda bolup bilýär.
Enjamyň esasynda bir molekula galyňlygy bolan wolframyň diselenidi – ýarymgeçiriji materialdan ýasalan optiki rezonator bar. Lazer ýarymgeçirijidäki gadagan edilen zolagyň inine täsir edýär, bu bolsa ýagtylygyň dykyzlygyny kommutator arkaly modulirlemäge mümkinçilik berýär.
Gözlegiň esasy awtory, aspirant Linsýao Çžou bu enjamyň ähli optiki hasaplaýyş we optiki neýroulgamlaryna tarap ilkinji ädimdigini belleýär.
Mundan başga-da, synaglaryň dowamynda 210 teslalyk psewdomagnit meýdanyny döredýän optiki Ştark täsiri ýüze çykaryldy. Bu açyş ylymda möhüm ähmiýete eýedir.

düýn 14:28
1.6k+

Turşudan süýjä: Hytaýda kömürturşy gazyny şekere öwürmegi öwrendiler

Hytaýyň Ylymlar akademiýasynyň Týanszin senagat biotehnologiýa institutynyň alymlary kömürturşy gazyny çylşyrymly uglewodlara netijeli öwürmegiň usulyny işläp taýýarladylar. CO₂-ni üýtgetmegiň netijesinde olara fruktoza, glýukoza, amiloza, amilopektin we azyk hem himiki senagatda ulanmak üçin ýaramly bolan beýleki birleşmeleri almak başardýar...

16.07.2025 18:19
4.7k+

Mask Starship-iň onunjy uçuşynyň senesini aýtdy. Soňky gezek tizleşdiriji ýarylyp, gämi ýanypdy

SpaceX kompaniýasynyň esaslandyryjysy we baş direktory Ilon Mask Starship kosmos gämisiniň täze synag uçuşyny yglan etdi. Milliarder X sosial ulgamyndaky sahypasynda Starship-iň prototipiniň onunjy uçuşynyň, takmynan, ýene üç hepdeden, ýagny awgust aýynyň başynda boljakdygyny ýazdy...

16.07.2025 06:27
4.6k+

Hytaýda arynyň beýnisini dolandyrmagy öwrendiler. Ol diýleni 90% ýerine ýetirýär

Pekin tehnologiýa institutynyň alymlary beýnä täsir edýän dolandyryjy arkaly dolandyryp bolýan dünýäde ilkinji kiborg aryny döretdi. Bu barada South China Morning Post neşiri habar berýär. Enjamyň agramy 74 milligram bolup, bu arylaryň göterýän şireli haltasynyň agramyndan hem azdyr...

16.07.2025 06:16
2.5k+

Alymlar bagry göçürmezden bejermek üçin sütün öýjüklerini döretdiler

Ýewropaly molekulýar biologlar organyň dokumalaryna netijeli ýapyşýan we çynlakaý zeper ýetmelerde onuň regenerasiýasyny çaltlaşdyrýan bagyr sütün  öýjükleriniň ösdürilip ýetişdirilişini işläp taýýarladylar. Bu açyş sirrozyň agyr görnüşlerinde bagyr transplantasiýasyna alternatiwa bolup biler diýip, Birmingem uniwersitetiniň metbugat gullugy habar berdi...