Indiki möwsümden başlap, “Formula-1” ýaryşda iň çalt aýlawy görkezen türgenler üçin bonus utugyny ýatyrar. Bu barada Halkara awtomobil federasiýasynyň (FIA) metbugat gullugy habar berýär.
FIA-nyň Bütindünýä geňeşi penşenbe güni Parižde geçirildi.
Mundan başga-da, indiki ýyldan başlap toparlaryň täze ýaryşa gatnaşyjylary iki däl-de, dört hökmany türgenleşige çykarmalydygy habar berilýär.
Iň çalt aýlaw üçin utuk 2019-njy ýyldan bäri berilýär. Ýöne munuň üçin ýaryşa gatnaşyjy pellehana ilkinji onlukda gelmeli. 2022-möwsüminden başlap toparlar azyndan iki tapgyrda täze gatnaşyjylary ilkinji anna günündäki türgenleşiklere çekmeli edildi.
