adidas kompaniýasy argentinaly futbolçy Lionel Messi we Puerto Rikonyň repçisi Bad Bunny (hakyky ady Benito Antonio Martinez Okasio) bilen bilelikde döredilen Gazelle Indoor krossowkalarynyň täze ýygyndysynyň çykjakdygyny mälim etdi. Bu hyzmatdaşlyk aýdym-saz bilen sporty birleşdirip, ajaýyp krossowkalara täze dizaýn berýär diýip, Sneakerfreak çeşmesi ýazýar.
Täze önümdäki Bad Bunny-niň täsiri, krossowkanyň burnundaky T şekilli nagşynda, Messiniň täsiri bolsa, üýtgeşik "futbol" dizaýn elementlerinde ýüze çykýar. Aýakgap deriden ýasalan, şeýle hem onuň dabanynda adidas-yň “üç zolagyny” ýada salýan deri zolaklary bar.
Modeliň özboluşlylygyny, ondaky Messi-niň we Bad Bunnny-niň gollary görkezýär.
Şeýle hem adidas krossowkalardan soň, Gazelle Indoor dizaýnynyň elementleri bolan F50 butsularyny çykarmagy meýilleşdirýär.
Bad Bunny-niň, Lionel Messi-niň we adidas-yň ýygyndysynyň relizi 2024-nji ýylyň 26-njy oktýabrynda bolar. Bir jübütiň bahasy 180 dollar.
Bu hyzmatdaşlyk, muşdaklar üçin krossowka, aýdym-saz we futbol “medeniýetini” birleşdirjek möhüm täzelik bolar.
