Milletler ligasynyň Portugaliýa – Polşa oýnunda (3:1) Kriştianu Ronaldu täze rekord goýdy. Duşuşykda ol gol geçirip, Portugaliýa ýeňiş getirdi. Bu ýeňiş hem Ronaldu üçin milli ýygyndyda 100-nji boldy.
Şeýlelikde, Ronaldu milli ýygyndy üçin resmi oýunlarda 100 ýeňiş gazanan taryhda ilkinji futbolçy boldy. Ol ýoldaşlyk oýunlaryny-da hasaba almak bilen ýeňiş sany boýunça Serhio Ramosyň rekordyny gaýtalady – hersinde 131 ýeňiş.
Umuman alanyňda, Ronaldu Portugaliýanyň milli ýygyndysy üçin 215 oýna gatnaşyp, 133 gol geçirdi we 45 assist etdi.
Roberto Martinesiň ýolbaşçylygyndaky Portugaliýanyň milli ýygyndysy Milletler ligasynda öz toparçasynda birinji orny eýeleýär. Topar umumy 7:3 hasaby bilen yzygider üç ýeňiş gazandy.
