Özbegistanda futzal boýunça dünýä çempionaty tamamlandy. Ýaryşyň jemleýji oýnunda Braziliýanyň ýygyndysy Argentinanyň toparyny 2:1 hasabynda ýeňdi.
Ýeňijilerden Ferrao (6-njy minut) we Rafa Santos (13-nji minut) gol geçirdiler. Argentinanyň düzüminden bolsa Matias Rosa (39) tapawutlandy.
Bäsleşigiň bürünç medallaryny Fransiýany 7:1 hasabynda ýeňen Ukraina eýeledi. Ýaryşa 24 topar gatnaşdy.
Braziliýalylar altynjy gezek futzal boýunça dünýä çempionatynda ýeňiji boldular we bu görkeziji boýunça rekord goýdular. Ispaniýa iki gezek (2000, 2004), Argentinanyň (2016) we Portugaliýanyň (2021) milli ýygyndylary hersi bir gezekden ýeňiş gazandy.
