21-nji sentýabrdan 22-nji sentýabra geçilen gije Londondaky “Uembli” stadionynda IBF boýunça agyr agramda dünýä çempiony Daniel Dýubua bilen öňki çempion Entoni Joşuanyň arasynda söweş boldy. Bäşinji raundda Dýubua garşydaşyny nokaut ýagdaýyna düşürip ýeňiş gazandy.
“GB News” neşiri türgenleriň söweş üçin näçe töleg alandygy barada maglumatlary hödürledi.
Şeýlelikde, Joşua kepillendirilen 8 mln dollar, Dýubua bolsa 4,7 mln dollar gazandy, bu mukdara wagtyndan irki ýeňiş üçin bonus hem goşulýar.
Şeýle-de, söweşijileriň ikisiniň-de tölegli ýaýlymlardan (PPV) göterim aljakdygy habar berilýär. Deslapky hasaplamalara görä, Joşua 33,5 mln dollar, Dýubua bolsa, takmynan, 13,5 mln dollar gazanar.
