Çikagonyň häkimi Brendon Jonson 20-nji sentýabry ýarym orta agramda UFC-niň häzirki çempiony Belal Muhammadyň güni diýip yglan etdi. Bu barada amerikaly söweşiji sosial ulgamlarda habar berip, şäher häkimliginden alan ýörite resminamasyny görkezdi diýip, “Rambler” ýazýar.
Muhammad 2012-nji ýylda professional MMA-da ilkinji gezek çykyş etdi, 2016-njy ýylda bolsa ilkinji gezek UFC-niň oktagonyna çykdy. 36 ýaşly söweşijiniň hasabynda guramada 15 ýeňiş we 3 ýeňliş bar.
Mançesterde (Angliýa) geçirilen UFC 304 ýaryşynda Muhammad ýarym orta agramda UFC-niň şol wagtky çempiony Leon Edwards bilen duşuşdy. Bäş raund dowam eden söweş emin agzalarynyň biragyzdan karary netijesinde Belalyň ýeňşi bilen tamamlandy.
