Madridiň “Realynyň” öý meýdançasy bolan “Santýago Bernabeu” stadionynda 2025-nji ýylyň mart aýyna çenli konsert geçirmek gadagan edildi. Bu barada Marca ispan neşiri habar berýär.
Durky täzelenenden soň stadion diňe bir “Realyň” oýunlary üçin däl-de, eýsem dürli dünýä belli ýyldyzlaryň konsertlerini geçirmek üçin hem ulanylyp başlandy.
Bu hem paýtagtyň ýaşaýjylarynyň nägileligine getirdi. Olaryň konsert sebäpli artykmaç galmagal babatda köp sanly arz-şikaýatlary netijesinde çäreleri geçirmegi taraplary kanagatlandyrýan çözgüt tapylýança bes etmek kararyna gelindi.
Iýul aýynda çäräniň ýerli wagt bilen 23:00-a çenli tamamlanmagyny görkezýän ylalaşyk mälim edildi. Bu çözgüt sebäpli eýýäm dört konsert ýatyryldy.
- Music Bank (K-POP) – 12-nji oktýabr
- Dellafuente – 15-nji noýabr
- Aitana – 28-nji we 29-njy dekabr
- Lola Indigo – 22-nji mart.
