18-nji sentýabrda bölekleýin Aý tutulma hadysasy bolar, şol döwürde Aý tegeleginiň gyrasy garalyp, gyzylymtyl öwser. Bu barada Moskwa Planetariýasyndan astronom Lýudmila Koşmanyň sözlerine salgylanýan TASS habar berýär.
Aý tutulmasynyň iň ýokary tapgyrynyň aşgabat wagty bilen sagat 07:44-de bolmagyna garaşylýar, şonda Aýyň diskiniň kiçeňräk sag ýokarky bölegi gyzyl-goňur öwser.
Bölekleýin tutulmanyň dowamlylygy dört sagat töweregi bolar. Gün tutulmasy sagat 05:42-de başlap, 09:48-de tamamlanar. Aýyň Ýeriň kölegesinden bölekleýin geçýän fazasy sagat 07:13-den 08:16-a çenli dowam eder. Bu hadysany synlamak üçin günbatar gözýetimiň açyk we asmanyň bulutsyz bolmagy gerek.
Gün tutulmasy Ýewropany, Aziýany, Afrikany, Amerikany we Ýuwaş ummanyny, Atlantik we Hindi ummanlaryny öz içine almak bilen, dünýäniň köp sebitlerinden görner. Bu hadysa Aýyň gözýetimden belentde ýerinde has gowy görner.
