Hytaýyň hökümeti 1978-nji ýyldan bäri ilkinji gezek pensiýa ýaşyny ýokarlandyrmak kararyna geldi. Täze düzgünler 2025-nji ýylyň 1-nji ýanwaryndan güýje girer we 15 ýylyň dowamynda durmuşa geçiriler diýip, Xinhua resmi habarlar gullugy habar berdi.
Özgertmelere görä, erkekleriň pensiýa ýaşy 60 ýaşdan 63 ýaşa çenli, önümçilikde işleýän aýallaryňky - 50 ýaşdan 55 ýaşa çenli, wezipeli işlerde işleýän aýallaryňky bolsa - 55 ýaşdan 58 ýaşa çenli ýokarlanar.
Bu karar Hytaýda ömrüň dowamlylygynyň ýokarlanmagy we işe ukyply ilatyň azalmagy bilen baglanyşykly kabul edildi. Pensiýa ýaşyny ýokarlandyrmaklyk pensiýa ulgamyna düşýän agramy azaldar we onuň uzak geljekde durnukly bolmagyny üpjün eder.
Hytaýda pensiýa ýaşy öň dünýäde iň aşaklaryň biridi. Özgertmelerden soň, ýurt goňşy Ýaponiýanyň we Günorta Koreýanyň görkezijilerine ýakynlaşar, bu ýerde erkekler we aýallar degişlilikde 65 we 63 ýaşynda pensiýa çykýarlar diýip, Reuters agentligi belleýär.
Trading Economics hyzmatynyň 2024-nji ýyldaky maglumatlaryna görä, pensiýa ýaşy iň ýokary ýurtlaryň sanawynda Awstraliýa, Daniýa, Gresiýa, Italiýa, Islandiýa we Niderlandlar öňde barýar, bu ýurtlarda erkekler we aýallar 67 ýaşynda pensiýa çykýarlar.
