“Realyň” we Germaniýanyň milli ýygyndysynyň öňki ýarymgoragçysy Toni Kroos Madridde çagalar üçin täze futbol klubuny açmagy meýilleşdirýär. Bu barada “Marca” ispan neşiri habar berdi.
Maglumatlara görä, klub “Toni Kroos” adyny göterer we ýaş zehinleri ösdürip ýetişdirmäge gönükdiriler.
Soňky hepdelerde Kroos Madridiň Patyşalyk futbol federasiýasynyň we “Ensinas de Boadilýa” sport klubunyň wekilleri bilen gepleşikleri geçirdi.
Ýatlap geçsek, Kroos Ýewropa çempionaty – 2024-däki çykyşyndan soň professional karýerasyny tamamlady. Ýaryşda Germaniýanyň milli ýygyndysy çärýek finalda ispaniýalylardan 1:2 hasabynda utuldy.
Ýarymgoragçy klub karýerasynda 754 oýna gatnaşyp (73 gol, 166 assist), 33 kubok gazandy. Şeýle-de, Kroos Germaniýanyň milli ýygyndysynyň düzüminde 113 oýna gatnaşdy (17 gol, 21 assist). Ol 2014-nji ýylda dünýä çempiony boldy.
