Amerikanyň Consumer Reports gullugy 5 ýyldan 10 ýyla çenli sürlen ygtybarly ulag markalarynyň sanawyny çap etdi. Sanawda öňdeligi ygtybarlydygyny subut eden Lexus we Toyota eýeleýär diýip, auto.ru habar berýär.
Barlagyň netijesine görä, iki marka-da ýyllarboýy ygtybarlylygyň ýokary görkezijilerini yzygiderli görkezip gelýär. Wagtal-wagtal täzelenmelere garamazdan, Lexus we Toyota ulaglaryna girizilen üýtgeşmeler konserwatiw häsiýeti saklaýar, bu bolsa olaryň ömrüniň uzak boljakdygyny kepillendirýär.
Mümkin bolan 100 baldan 75 bal alan Lexus sanawda absolýut lider boldy. 72 bal toplan Toyota ondan sähelçe yza galýar.
Şeýle-de, ulanylan iň ygtybarly ulaglaryň ilkinji bäşligine Mazda (59 bal), Acura (57 bal) we Honda (55 bal) girýär.
Munuň tersine, Chrysler (27 bal), Dodge (28 bal) we Tesla (30 bal) sanawyň ahyryna düşdi.
