14-16 noýabrda Aşgabatda Telekommunikasiýa, telemetriýa, maglumat tehnologiýalary we teleradioýaýlyma bagyşlanan "Türkmentel-2024" atly halkara sergisi we ylmy maslahaty geçiriler.
Sergä gatnaşyjylar we myhmanlar dünýä telekommunikasiýa senagatynyň iň täze işläp düzenleri we onuň häzirki ösüş ugurlary bilen tanyşmak üçin aýratyn mümkinçilik alarlar. Türkmenistanyň ykdysadyýetiniň sanlylaşdyrylmagy, milli maglumat tehnologiýalarynyň global tora goşulmagy, şeýle hem kiberhowpsuzlyk meseleleri aýratyn üns merkezinde bolar.
Maslahatyň çäklerinde köptaraplaýyn gepleşikler we duşuşyklar meýilleşdirilýär. Mundan başga-da, gatnaşyjylar pudakda möhüm çözgütleri durmuşa geçirmek üçin maýa goýum mümkinçiliklerini ara alyp maslahatlaşarlar.
Gyzyklanýan taraplar çäre barada goşmaça maglumaty Türkmenistanyň Söwda-senagat edarasyna (+99312) 39 89 81 ýa-da (+99312) 39 89 69 telefon belgilerine, ýa-da info@cci.gov.tm ýa-da 3@cci.gov.tm elektron poçta salgylaryna ýüz tutup alyp bilerler.
