Hyundai Motor 2025-nji ýylyň täzelenen modellerini - Santa Fe krossowerini we Elantra sedanyny hödürledi.
Santa Fe-niň daşky görnüşi üýtgemedi. Prestige wersiýasy çaknyşyklaryň öňüni almak we awtoulag ýoldaka kömek etmek ulgamlaryny aldy.
Model 34.2 müň dollardan 49 müň dollara çenli bahalarda hödürlenýär.
2025-nji model ýylynyň Elantra sedanynyň bahasy 21 875 dollardan başlaýar, bu bolsa ozalky wersiýadan 250 dollar gymmatdyr. SEL Convenience modeli indi Convenience toplumy bolan kämilleşdirilen Elantra SEL modeline öwrüldi. SEL Sport modeli bolsa, täze gara spoýleri, alýumin pedallary we 8 dýuýmlyk maglumat ulgamy bilen tapawutlanýar.
Şeýle hem, Hyundai has amatly bolan gibrid görnüşi Elantra Hybrid Blue-ni hödürleýär. Onuň başlangyç bahasy 25 100 dollar, bu öňki wersiýadan 1150 dollar arzan. Awtoulaga analog görkezijileri we 8 dýuýmlyk ekran gurnalandyr.
Ýokary öndürijilikli Elantra N modeli 276 at güýjüni öndürýän 2,0 litrlik turbo hereketlendirijisi bilen enjamlaşdyrylandyr. Onuň bahsy 33 950 dollar. Adaty wersiýa 147 at güýjüni öndürýän 2,0 litrlik hereketlendirijini aldy, N Line modeli bolsa 201 at güýjüni öndürýän 1,6 litrlik turbo hereketlendirijisi bilen üpjün edilendir.
