Beýsbolçy Denni Jensen bir oýunda iki garşydaş toparda oýnan ilkinji oýunçy bolup, taryha girdi. Bu barada The Athletic ýazýar.
Şeýle özboluşly waka “Toronto Blýu Jeýs” bilen “Boston Red Soksyň” arasyndaky duşuşykda mümkin boldy. Oýun 26-njy iýunda başlady, ýöne güýçli ýagyş sebäpli kesildi.
Oýun başlananda Jensen “Torontonyň” oýunçysydy. Ýöne bir aýdan soň ol “Bostona” berildi. 27-nji awgustda oýun dowam etdirilende, Jensen eýýäm täze topara wekilçilik edýärdi. Oýun “Blýu Jeýsiň” 4:1 hasabynda utmagy bilen tamamlandy.
“Red Soksyň” menejeri Aleks Kora bu wakanyň özboluşlylygyny belledi.
“Bu täsin pursat boldy. Munuň ýene gaýtalanjakdygyny ýa-da ýokdugyny bilemok. Munuň üçin şowuna düşmeli. Ýöne men hemmeleriň lezzet alandygyna begenýärin” – diýip, Kora belledi.
“Men heniz doly aňlap ýetişmedim öýdýän. Men muny eden ilkinji adamdygymy bilenimde, geň galdym. Oýunda şeýle yz galdyrmak – geň we gyzykly. Men şeýle mümkinçilik üçin minnetdar. Her niçigem bolsa, bu örän gowy” – diýip, Jensen aýtdy.
