“Al-Nasr” saud klubunyň portugaliýaly hüjümçisi Kriştianu Ronaldu oýun karýerasyny tamamlandan soň, tälimçi bolmagy meýilleşdirmeýändigini aýtdy. A Bola neşiri bilen söhbetdeşlikde 39 ýaşly hüjümçi özüni tälimçi hökmünde görmeýändigini we futboldan daşary başga taslamalara ünsi jemlemek isleýändigini belledi.
“Häzirki wagtda haýsydyr bir toparyň tälimçisi bolmak pikiri kelläme gelmeýär. Men şeýle geljegi göremok” – diýip, Ronaldu belledi.
Portugaliýanyň milli ýygyndysyndaky geljegi barada aýtmak bilen, Ronaldu gitmek baradaky çözgüdiň öz-özünden, ýöne oýlanyşykly boljakdygyny belledi.
“Men milli ýygyndyny terk edenimde, hiç kime öňünden aýtmaryn. Bu men tarapyndan örän duýdansyz çözgüt bolar. Ýöne örän oýlanyşykly. Häzir men milli topara kömek etmek isleýärin” – diýip, hüjümçi aýtdy.
Ýatlap geçsek, Kriştianu Ronaldu “Altyn topuň” bäş gezek eýesi we 2016-njy ýylyň Ýewropa çempionydyr.
