Rapid we blitz boýunça dünýä çempionaty 2024-nji ýylyň 26-njy dekabryndan 31-nji dekabry aralygynda Nýu-Ýorkda geçiriler. Bu barada Halkara küşt federasiýasynyň (FIDE) saýtynda habar berilýär.
26 – 28-nji dekabrda rapid, 30 – 31-nji dekabrda blitz boýunça ýaryş geçiriler.
Ýaryşa dünýä reýtinginiň lideri norwegiýaly Magnus Karlsen, amerikalylar Hikaru Nakamura, Fabiano Karuana we Irina Kruş, şeýle-de zenanlaryň arasynda on ýedinji dünýä çempiony hytaýly Szýuý Wenszýun ýaly ussat küştçüler gatnaşar.
