Tomusky transfer penjiresi ahyrlap barýar we futbol klublary şertnamalaryny ýapmak bilen meşgullanýarlar.
Häzirki wagtda “Çelsi” täze satyn alyşlara 1,61 mlrd dollar sarp edip, çykdajylar boýunça lider boldy. Amerikaly işewür Tod Boeli 2022-nji ýylyň ýazynda klubuň eýesi boldy, şondan bäri topar işjeň transfer kampaniýasyny alyp barýar.
Dailysports neşiri şeýle mukdaryň köp sanly lýuks satyn alyşlaryň bahasyndan ýokarydygyny belleýär. Mysal üçin, 1,61 mlrd dollara her biriniň bahasy 28 mln dollar bolan 57,5 müň Rolls-Royse Boat Tail awtomobilini satyn alyp bolýar.
Mundan başga-da, bu serişdeler 50 sany kaşaň gämini satyn almaga ýa-da dünýäde iň gymmat golf meýdançasy bolan Shadow Creek Golf Course ýaly 26 sany golf meýdançasyny gurmaga mümkinçilik bererdi. Şeýle-de, bu mukdara 3220 sany uly bolmadyk hususy uçary ýa-da 10 sany Boeing 737 täjirçilik uçaryny satyn alyp bolardy.
Mukdar 549 milliondan gowrak Koka-Kola çüýşesini ýa-da häzire çenli auksionda satylan iň gymmat sagat – Patek Philippe Grandmaster Chime-den 51,9 sanysyny satyn almaga mümkinçilik berýär. Bu mukdara “Awatar 2-niň” derejesinde üç film surata düşürip, Bagamada ýa-da Floridada 21 ada satyn alyp bolýar.
Kosmos syýahaty barada arzuw edýänler üçin, bu mukdar Halkara kosmos stansiýasyna 29 orbital uçuşy amala aşyrmaga mümkinçilik bererdi.
Şeýlelikde, “Çelsiniň” transferlere sarp eden mukdary diňe bir futbol dünýäsinde däl, eýsem zynat dünýäsinde-de haýran galdyrýar. Şeýle-de bolsa, topar bu mukdara laýyk gelýän oýun derejesini heniz görkezmedi.
