Garyşyk başa-baş söweşleriň (MMA) günorta afrikaly söweşijisi, orta agramda Absolýut söweş çempionatynyň (UFC) çempiony Drikus dýu Plessi liganyň 305-nji belgili ýaryşynyň esasy tutluşygynda Täze Zelandiýadan Israel Adesanýany ýeňlişe sezewar etdi.
Söweş Awstraliýanyň Pert şäherinde geçirildi we Adesanýanyň dördünji raundda demikdiriji emelden soň boýun egmegi bilen tamamlandy.
Indi dýu Plessiniň hasabynda 22 ýeňiş we iki ýeňliş bar. UFC-niň öňki çempiony Adesanýanyň hasabynda bolsa 24 ýeňiş we dört ýeňliş bar.
UFC 305-iň ýene bir esasy wakasynda täze zelandiýaly Kaý Kara-Frans awstraliýaly Stiw Ersegi möhletinden ir ýeňdi. Iň ýeňil agramyň wekilleriniň gapma-garşylygy birinji raundda tehniki nokaut bilen tamamlandy.
