Madridiň “Realynyň” ýarymgoragçysy Jud Bellingem Fransiýanyň Louis Vuitton moda öýi bilen şertnama baglaşdy we onuň täze ilçisi boldy diýip, Daily Sports habar berýär.
20 ýaşly oýunçy öň Adidas-yň ýüzi bolupdy we Predator butsylarynyň mahabatyna gatnaşdy.
“Meniň üçin Louis Vuitton maşgalasyna goşulmak ýakymly. Ýaşlygymdan bäri meni bu öý hemişe özüne çekýärdi. Men döredijiligi hakykatdan haýran galdyrýan Farell Uilýams (Louis Vuitton-yň döredijilik müdiri) bilen hyzmatdaşlygy dowam etdirmäge şat” diýip, futbolçy aýtdy.
Geçen möwsümde Jud Bellingem “Realyň” düzüminde ähli ýaryşlarda 42 oýna gatnaşyp, 23 gol we 13 netijeli geçirim bilen tapawutlandy.
