Türkmenistanyň kýorlingçiler topary Norwegiýada ýygnanyşyk türgenleşigini geçer

  • 17.08.2024 12:17
  • 5.2k+

Türkmenistanyň kýorling boýunça topary 17–23-nji awgust aralygynda Norwegiýada Lillehammerde Ýaşlar lageriniň çäklerinde kýorling boýunça halkara okuw-türgenleşik ýygnanyşyklaryny geçer. Türkmenistan bilen birlikde, okuw-türgenleşiklerini 14 ýurtdan - Şwesiýadan, Ispaniýadan, Gazagystandan we beýleki ýurtlardan toparlar geçer diýip, "Türkmenistan: Altyn asyr" elektron neşiri habar berýär.

Türkmenistanyň ýetginjekler topary beýleki toparlar bilen türgenleşiklere, ussatlyk-sapaklaryna hem-de ýaryşlara gatnaşyp buzda oýnamak başarnyklaryny artdyrarlar. Ýaşlar türgenlerden başga-da, lagerde tälimçilere hem okuw geçiler.
Tälimçiler hünär başarnyklaryny ýokarlandyrmak boýunça okuwlary geçerler hem-de sportuň gyşky olimpiýa görnüşlerini has-da ösdürmek boýunça kärdeşleri bilen tejribe alyşarlar.

– Türkmenistanyň Kýorling federasiýasy 2020-nji ýylda döredildi. Häzirki wagtda ýurdumyz Bütindünýä Kýorling federasiýasynyň doly hukukly agzasy bolup durýar. Bu bolsa bize halkara derejeli ussatlardan öwrenmäge, toparda oýnap bilýän hünär derejeli türgenleri geljekde taýýarlamak üçin sportuň bu görnüşi boýunça tälimçilik derejeleri artdyrmaga mümkinçilik berýär – diýip, ýygyndynyň baş tälimçisi Sakina Gulamalyýewa gürrüň berýär.

Türgenleşik lagerine okuwa ugraýan ýetginjekler toparynyň düzüminde – 2023-nji ýylda Türkmenistanyň Kýorling federasiýasynyň açyk ýaryşynda üstünlikli çykyş eden türgenler bar. Toparyň kapitany – Emina Nurmuhammedowa, wise-kapitan – Aýşa Geldimyradowa. Birinji oýunçy – Daňatar Muhamow, ikinji oýunçy – Selim Baýramow.

Okuw tejribeliginiň netijeleri boýunça ýygnanyşyklarda toparlaryň arasynda ýoldaşlyk duşuşyklarynyň geçirilmegi meýilleşdirilýär.

Lillehammer sportuň gyşky görnüşleriniň merkezleriniň biri hökmünde bellidir. 1994-nji ýylda bu ýerde XVII gyşky olimpiýa oýunlary, 2016-njy ýylda bolsa – ikinji gyşky ýetginjekler olimpiýa oýunlary geçirilipdi. Halkara türgenleşik lageriniň guramaçylary şöhratly olimpiýa däplerini dowam edip, sportuň gyşky görnüşleri babatda Norwegiýanyň tejribesini paýlaşmagy hem-de tutuş dünýäniň ýaş türgenlerini we tälimçilerini goldamagy maksat edinýärler.


28.10.2025 19:56
11k+

«Altyn Asyr» «Paro» klubuny utup, AFK Çagyryş Ligasynda «A» toparyň başyna geçdi

28-nji oktýabrda, sişenbe güni Türkmenistanyň «Altyn Asyr» futbol kluby AFK-nyň Çagyryş Ligasyndaky toparlaýyn tapgyryň ikinji duşuşygynda Butanyň «Paro» klubuny 3:1 hasabynda utdy. Ýaryşyň Günbatar zolagynyň "A" toparynyň ähli duşuşyklary merkezleşdirilen formatda Butanyň paýtagty Thimphuda geçirilýär...

28.10.2025 12:11
7.2k+

BMGÖM-niň wekiliýeti Lebap welaýatyna iş saparyny amala aşyrdy

25-nji oktýabrda Birleşen Milletler Guramasynyň Ösüş maksatnamasynyň (BMGÖM) Türkmenistandaky hemişelik wekili Narine Saakýan we hemişelik wekiliň orunbasary Tomitsa Paowiç Lebap welaýatyna iş saparyny amala aşyrdylar...

27.10.2025 12:10
7.2k+

«Arkadag» FK bassyr üçünji ýyl wagtyndan öň Türkmenistanyň çempiony boldy

«Arkadag» futbol kluby bassyr üçünji ýyl wagtyndan öň Türkmenistanyň futbol çempionatynyň ýeňijisi boldy. Çempionatyň nobatdaky tapgyrynda Aşgabatda geçirilen duşuşykda “Arkadag” “Ahal” toparyndan 1:0 hasabynda üstün çykdy...

25.10.2025 17:52
7k+

“Altyn Asyr” AFK-nyň Çagyryş ligasynda “Abdyş-Atany” utdy

“Altyn Asyr” futbol kluby AFK-nyň Çagyryş ligasynyň toparlaýyn tapgyryna şowly başlady. Ol ilkinji oýunda “Abdyş-Ata” gyrgyz klubuny 1:0 hasabynda utdy. Oýun 25-nji oktýabrda geçirildi. Oýunda ýeke-täk goly 58-nji minutda Myrat Annaýew geçirdi...