Nottingemiň Trent uniwersitetiniň barlagçylary atlaryň öňünden meýilleşdirip we strategik pikirlenip bilýändiklerini subut etdiler. Bu barada, The Guardian habar berýär.
Synag wagtynda, 20 sany ata kartoçka degmek arkaly iýmit almak öwredildi. Synagyň ikinji tapgyrynda “durmak signaly” girizildi we atlar diňe signal öçürilende iýmiti alyp bilýärdiler. Ilki haýwanlar ýagtylyga üns bermän, kartoçka galtaşmagyny dowam etdiler. Ýöne üçünji tapgyrda, ýalňyşlyk üçin 10 sekuntlyk wagt girizilende, atlaryň ýalňyşlyklary birden azaldy.
Alymlar atlaryň diňe bir signallara jogap bermän, eýsem oýnuň düzgünlerine düşünip, ýerine ýetirilmeli zatlary seljerip bilendiklerini belläp geçýärler. Bu aýratynlyklar, adamyňky bilen deňeşdirip boljak ýokary bilim derejesini görkezýär.
Barlagçylar bu hereketleriň atlardan geljek hakda pikirlenmeklerini we islenýän netijesine ýetmeklerini talap edýändigini nygtaýarlar.
Synag has gowy netijeleri gazanmak üçin ýowuz tälim usullarynyň zerur däldigini subut etdi.
