2024/25 möwsüminde Ispaniýanyň futbol çempionatynyň düzgünlerine birnäçe üýtgeşmeler girizildi diýip, Sports.ru habar berýär.
Esasy täzelikler:
- Altynjy çalşyrma: Toparlara oýunçy beýni sarsgynyny alan ýagdaýynda, altynjy gezek oýunçy çalyşmaga rugsat berilýär.
- El bilen oýnamak: Topuň ele degmegi, eger el tebigy däl ýagdaýda bolsa ýa-da el topa tarap bilkastlaýyn hereket etdirilse, düzgün bozulma hasaplanar. Şeýle-de, gola ýa-da gol geçirimine getiren islendik topa el degmeler, şol sanda tötänleýin ýagdaýlar düzgün bozulma hasaplanar.
- Kadadan çykmalar: Topa eliň degmegi, eger el bedene ýakyn bolsa, tebigy ýagdaýda duran bolsa, eger top oýunçy ýykylanda direg ele degse ýa-da top topardaşyň eline tötänleýin degenden soň gol girizilse, topa degme göni gola getirmedik ýagdaýynda düzgün bozulma hasaplanmaz.
- Oýunda türgenleşik: Futbol meýdançasynyň türgenleşik zolagynda bir wagtyň özünde bolup biljek bir toparyň oýunçylarynyň sany 3-den 5-e çenli artdyrylar.
- VAR: Ispaniýanyň Tehniki eminler komiteti VAR-yň minimal gatyşygyny maslahat berýär, wideo kömekçiler diňe penaltä getirip biljek aýdyň we göz-görtele hereketler bolan ýagdaýynda gatnaşarlar. VAR emin tarapyndan sähel galtaşyk üçin penalti bellenilen ýagdaýynda goşulmaly.
- Galtaşyk: Indi eminler sähel gatlaşyk üçin oýunçylara seýrek jeza bererler.
- Ofsaýd: Ofsaýdy ýarym awtomatiki kesgitlemegiň ulgamy girizilýär.
- Jerimede göreş: Jerimede islendik göreş hereketi duýduryş bilen jezalandyrylar.
- Eminler bilen aragatnaşyk: Eminiň ýanyna düşündiriş üçin diňe toparyň kapitany baryp biler.
