Bellator-yň öňki çempiony we ýeňil agramda UFC titulyna dalaşgär, amerikaly söweşiji Maýkl Çendler Konor Makgregor bilen söweş guramak synanyşygynyň bes edilendigini habar berdi.
“Bolýar, oglanlar... Meniň pikirimçe, söweşiň soňunyň gelendigini boýun almagyň wagty geldi” – diýip, Çendler X (öňki Twitter) sosial ulgamynda ýazdy.
Çendler bilen Makgregoryň söweşi 30-njy iýunda Las-Wegasdaky UFC 303 ýaryşynda geçirilmelidi. Ýöne söweş irlandiýaly söweşijiniň aýagynyň barmagynyň döwülmegi sebäpli näbelli möhlet bilen yza süýşürildi.
Konor Makgregor 2021-nji ýylyň iýul aýyndan bäri ringe çykanok, ol soňky gezek UFC 264-de amerikaly Dastin Porýe bilen üçünji söweşde tehniki nokaut bilen ýeňlişe sezewar boldy.
