Saud Arabystanynda 2034-nji ýylyň futbol boýunça dünýä çempionaty üçin özboluşly stadion gurmak meýilleşdirilýär. Neom meýdançasy geljekki The Line aýna megapolisiniň taslamasynyň çäklerinde gurlar diýlip, Parametric Architecture ýazýar.
Ýerden 350 metrden gowrak belentlikde ýerleşen stadion dünýäde iň beýik sport desgalarynyň biri bolar. Binagärlik taslamasy aýna böleklerinden döredilen üçegi göz öňünde tutýar, bu stadiona futuristik görnüşi berer.
Meýdança 46 010 adamy kabul edip biler.
Taslama Neom stadionynyň oýunçylar, tomaşaçylar we ýaýlyma berijiler üçin elektron petek we 4K Ultra HD ýaýlyma beriş ýaly öňdebaryjy tehnologiýalar bilen üpjün edilmegini göz öňünde tutýar. Dünýä çempionaty tamamlanandan soň, stadion professional futbol kluby üçin öý we The Line şäheriniň sport durmuşynyň merkezi bolar.
Stadionyň gurluşygyna 2027-nji ýylda başlamak, 2032-nji ýylda tamamlamak meýilleşdirilýär.
Ýatlap geçsek, aýna megapolisiniň döredilmegini göz öňünde tutýan The Line taslamasy Saud Arabystanynyň maliýe ätiýaçlyklarynyň azalmagy sebäpli 98% gysgaldyldy.
The Line – bu häzir Saud Arabystanynyň demirgazyk-günbatarynda gurulýan geljegiň megapolisi. NEOM ösüş taslamasyna laýyklykda, şäher biri-birine garşy parallel hatarlar görnüşinde ýerleşdirilen uzyn aýna fasadlardan ybarat bolar. Olary geçelgeler, açylýan köprüler we umumy tizlikli ulag ulgamy birleşdirer.
