UFC-niň metbugat gullugy 26-njy oktýabrda Abu-Dabide geçiriljek UFC 308 ýaryşynyň esasy söweşlerini yglan etdi. Agşamyň esasy söweşinde ýarym ýeňil agramda UFC-niň çempiony, ispan-gruziýaly söweşiji Iliýa Topuriýa bilen amerikaly Maks Holloueý duşuşar.
2020-nji ýylda UFC-de ilkinji gezek çykyş eden 27 ýaşly Topuriýa 2024-nji ýylyň fewral aýynda awstraliýaly Aleks Wolkanowskini nokauta düşürip, titula eýe boldy. 32 ýaşly Holloueý aprel aýynda UFC 300-de Jastin Getjini nokauta gidirdi.
Agşamyň ýene bir esasy wakasy Hamzat Çimaýew bilen Robert Uittakeriň arasyndaky söweş bolar.
Ýeňilmedik orta agramly söweşiji Çimaýew öňki çempion, awstraliýaly Uittaker bilen duşuşar. Olaryň söweşi 22-nji iýunda bolmalydy, ýöne Çimaýew saglyk ýagdaýy sebäpli söweşden çekildi. Onuň deregine Uittaker Ikram Aliskerow bilen duşuşyp, ony birinji raundda nokaut bilen ýeňdi.
