Germaniýaly hünärmen, “Liwerpulyň” we Dortmundyň “Borussiýasynyň” öňki baş tälimçisi Ýurgen Klopp tälimçilik karýerasyny tamamlaýandygyny aýtdy. Muny ESPN GB internet neşiri habar berýär.
“Häzirki günde bu meniň üçin tälimçi hökmünde soňy. Men öz islegim boýunça işden çykmadym, bu umumy karar boldy. Men eýýäm dünýäniň iň gowy klublaryna tälimçilik etdim” – diýip, Klopp aýtdy.
Hünärmen “Liwerpuly” möwsümiň ahyrynda terk etdi. Ol karýerasynda 13 esasy kubogy, şol sanda Germaniýanyň iki çempionlygyny, Angliýa çempionatyny we Çempionlar ligasyny utdy.
“Liwerpul” geçen APL möwsüminiň jemi boýunça ýaryş jedwelinde 37 oýunda 79 utuk bilen üçünji orny eýeledi. Topara indi täze tälimçi, niderlandly Arne Slot ýolbaşçylyk edýär. Öň ol “Feýenoorda” tälimçi boldy.
