Parižde Olimpiýa oýunlary - 2024-üň çäklerinde tennis boýunça ýaryşyň ikinji aýlawynda serbiýaly tennisçi Nowak Jokowiç ispaniýaly türgen Rafael Nadaldan üstün çykdy.
1/16 final tapgyrynyň ýaryşy 1 sagat 44 minut dowam etdi we 6:1, 6:4 hasap bilen tamamlandy.
Bu duşuşyk tennis äleminde ady rowaýata öwrülen bu iki türgeniň hasap boýunça 60-njy duşuşygy boldy. Nowak 31 gezek, Nadal bolsa 29 gezek ýeňiş gazandy.
1/8 finalda Jokowiç nemes türgeni Dominik Kepfer bilen duşuşar.
Ýekeleýin görnüşdäki ýaryşdan gaýdandan soň, Nadal Pariž Olimpiadasynda jübütleýin ýaryşda çykyşyny dowam eder. Bu ýerde ol Karlos Alkaras bilen ikinji aýlawa çykdy.
